ሚያዝያ 20፣2012-መንግዶች ባለስልጣን በ11 ነጥብ 6 ቢሊዮን ብር ወጪ የ7 መንገዶች ግንባታ ስምምነት ተፈራረመ

የውል ስምምነት የተፈረመላቸው ሰባት መንገዶች በጥቅሉ ከ500 ኪሎ ሜትር በላይ ርዝመት አላቸው።
ለግንባታቸው የሚውለው ገንዘብ ሙሉ በሙሉ በኢትዮጵያ መንግሥት የሚሸፈን መሆኑ ተገልጿል።

መንገዶቹ ከደብረ ብርሃን-ደነባ-ለሚ መገንጠያ እና ጅሁር-ደነባ፣ ከፊቅ-ሰገግ-ገርቦ ደነን እንዲሁም ዮአሌ-ደነን፣ ከሁምቦ-ጠበላ-ዐባያ፣ ዳዬ-ግርጃ-ክብረ መንግሥት (መልካ ደስታ) እና ከመለያ-መጆ መገንጠያ፣ ከጅግጅጋ-ገለለሽ-ደጋሀምዶ-ሰገግ፣ ከሀወላቱላ-ወተርአራሳ-ያዩ-ውራቼ እና ከዛላአምበሳ-አሊቴና-መረዋ-ዕዳጋ ሐሙስ ናቸው።

መንገዶቹን ለመገንባት ከባለሥልጣኑ ጋር የውል ስምምነት ያደረጉት ተቋራጮች ስድስቱ አገር በቀል ሲሆኑ ፤ አንዱ የውጭ ተቋራጭ መሆኑ ታውቋል።

የመንገዶቹን ግንባታ ለማጠናቀቀም ከሦስት እስከ አራት ዓመታት እንደሚወስድ ተጠቅሷል።

ምንጭ፡-የኢትዮጵያ መንገዶች ባለሥልጣን