መደበኛ ያልሆነ

ግንቦት 14፤2012-የብስራት አመሻሽ አጫጭር መረጃዎች

~ የታንዛኒያ ዳሬሰላም ኮሚሽነር ፖል ማኮናዳ የኮሮና ቫይረስ ስርጭት ስላበቃ የፊታችን እሁድ አደባባይ በመዉጣት ደስታችንን እንግለጽ ሲሉ ያስተላለፉት መልዕከት ተቃዉሞ አስነሳ፡፡በታንዛኒያ 509 ሰዎች በቫይረሱ ሲጠቃ የ21 ሰዎች ህልፈት ሪፖርት ተደርጓል፡፡

~ በኮሎምቢያ በሚሊየን ዶላር የሚቆጠር ገንዘብን አላግባብ ያባከኑ የተለያዩ ከተሞች ከንቲባዎች በቁጥጥር ስር ዉለዋል፡፡ለኮሮና ቫይረስ ለሆስፒታል ቁሳቁስና ለምግበ ግዢ የተመደበ ገንዘብ ማናከናቸዉ ተረጋግጧል፡፡

~ ሳዑዲ አረቢያ እና ኢምሬቶች የኢድ እለት መስጊዶች ዝግ እንደሚሆኑ ይፋ ተደረገ፡፡በአንጻሩ ስፔን በበኩሏ በማድሪድ ከሰኞ ጀምሮ በከፊል እንቅስቃሴን የሚከለክለዉ ህግ ከሰኞ ጀምሮ እንደሚነሳ አስታዉቃለች፡፡

~ ፕሬዝዳንት ዶናልድ ትራምፕ የኮሮና ቫይረስን ለመከላከል የወባ መድሃኒት የሆነዉ ሀይድሮክሲክሎሪኪዊን አጋዥ ነዉ ማለታቸዉን ተከትሎ በናይጄሪያ የመድሃኒቱ ሽያጭ መጨመሩ ተሰማ፡፡የትራምፕን ንግግር ላሰንት የህክምና ዘገባ አጣጥሎታል፡፡

~ የጉበት ህሙማን በኮሮና ቫይረስ ከተጠቁ ለሞት የመዳረግ እድላቸዉ ከፍተኛ መሆኑን የኦክስፎርድ እና የሰሜናዊ ካሮላይና ባጠኑት ሪፖርት መረጋገጡ ይፋ ተደርጓል፡፡

~ በስፔን ዝቅተኛ ገቢ ባለባቸዉ ግዛቶች በኮሮና ቫይረስ ህይወታቸዉን ያጡ ሰዎች ቁጥር ከሀብታም የሀገሪቱ ግዛቶች በአምስት እጥፍ የበለጠ መሆኑ ተሰማ፡፡27‚940 ሰዎች በስፔን በቫይረሱ ህይወታቸዉን አጥተዋል፡፡

~ በማይናማር ምስራቃዊ ካሪን ግዛት በኮሮና ቫይረስ ሞት ተመዘገበ ሲል ያሰራጨዉ የዜና አርታኢ መረጃዎ የሀሰት ነዉ በሚል የሁለት ዓመት የእስር ትዕዛዝ ተላለፈበት፡፡

በስምኦን ደረጄ

Leave a Reply

Your email address will not be published. Required fields are marked *