መደበኛ ያልሆነ

ግንቦት 21፣2012-ቢሮ በመከራየት የመሬት ባንክና ማስተላለፍ ፅ/ቤት ስራን በህገ-ወጥ መንገድ ሲሰሩ የነበሩ ግለሰቦችና ተባባሪዎቻቸው በቁጥጥር ስር ውለው ምርመራ እየተጣራ መሆኑን የአዲስ አበባ ፖሊስ ኮሚሽን አስታወቀ

ከተጠርጣሪዎቹ አንደኛው ግለሰብ በቂርቆስ ክፈለ ከተማ ወረዳ 2 ውስጥ 1 ሺ 816 ካሬ ሜትር ስፋት ያለው ቦታ ከመንግስት በሊዝ ለመውሰድ ከዓመታት በፊት እንቅስቃሴ ቢጀምርም መሬቱን ለማግኘት የሚጠበቅበትን ህጋዊ አሰራር መፈፀም ባለመቻሉ መሬቱን አልወሰደም፡፡

በአዲስ አበባ ፖሊስ ኮሚሽን የሙስና ወንጀሎች ምርመራ ማስተባበሪያ ሃላፊ ም/ኢ/ር ግሩም ታረቀኝ እንዳስረዱት ይþው ግለሰብ ከአመታት በኋላ መሬቱን በህገ-ወጥ መንገድ እጁ ለማስገባት ከደላሎች ጋር ይነጋገራል፡፡

ይህን ህገ-ወጥ ተግባር ለመፈፀም የተዘጋጁ ግለሰቦች በቦሌ ክፈለ ከተማ ወረዳ 4 ሃያ ሁለት ተብሎ በሚጠራው አካባቢ በሚገኘው የአብ ህንፃ ላይ ቢሮ መከራየታቸውን የተናገሩት ም/ኢ/ር ግሩም የአዲስ አበባ ከተማ አስተዳደር የመሬት ባንክ እና ማስተላለፍ ፅ/ቤት ማህተም፣ የሃላፊዎች የስም ቲተር እና የተለያዩ ሃሰተኛ ሰነዶችን እየተጠቀሙ እንደነበረ አስረድተዋል፡፡

ወረዳ 2 ውስጥ የሚገኘው መሬት በህገ-ወጥ መንገድ በሊዝ ለመውሰድ ሲንቀሳቀስ የነበረው ግለሰብ የሊዙን ቅድመ ክፍያ ከፍሎ ውል መዋዋል እንደሚችል የሚገልፅ የፅ/ቤት ሃላፊ ስም እና ፊርማ ያረፈበት ደብዳቤ እጅ ላይ እንዳስገባ የሚናገሩት ም/ኢ/ር ግሩም ታረቀኝ ግንቦት 17 ቀን 2012 ዓ/ም ከቀኑ 5፡00 ሰዓት ክብ ማህተም የሚደረገው ዋናው መ/ቤት ነው፡፡ ተብሎ ወደ አዲስ አበባ መሬት ልማት ማኔጅመንት ዋናው ቢሮ ደርሶ ማህተም ለማስመታት ወደ መዝገብ ቤት ሲገባ የሃላፊውን ፊርማ እና የስም ቲተር የተመለከቱት የመዝገብ ቤቱ ሰራተኛ ተጠራጥረው ለሚመለከተው አካል በማሳወቅ በቁጥጥር ስር እንዲውል አድርገዋል ብለዋል፡፡

በአቋራጭ ለመበልፀግ ቢሮ ከፍተው ህገ-ወጥ ተግባር ሲፈፅሙ የነበሩትን ጨምሮ 8 ግለሰቦች በቁጥጥር ስር ውለው ምርመራ እየተጣራ መሆኑን የገለፁት ም/ኢ/ር ግሩም በዚህ ጉዳይ ላይ በተቋሙ አካባቢ ያሉ የመንግስት ሰራተኞች እጅ ሊኖርበት ስለመቻሉ ምርመራውን አጠናክረው እንደሚቀጥሉ ተናግረዋል፡፡

አዲስ አበባ ፖሊስ

Leave a Reply

Your email address will not be published. Required fields are marked *