መደበኛ ያልሆነ

ሰኔ 10፤2012-አቶ አብነት ገብረመስቀል የሚድሮክ ኢትዮጵያ ዋና ስራ አስፈጻሚ ሆነው ተሾሙ።

የሚድሮክ ኢትዮጵያ ባለቤትና ሊቀመንበር ሼክ መሐመድ ሁሴን አሊ አል-አሙዲ ዘሬ በአዲስ አበባ ድርጅታቸውን እንደገና በማደራጀት ሥራ አስፈፃሚዎችን ሾመዋል።

የኩባንያው ባለቤት ሼክ መሐመድ ላለፉት በርካታ ሳምንታት አዲስ መዋቅር ሲያስቡና ሲያስጠኑ ከቆዩ በኋላ አዲሱን መዋቅር ይፋ አድርገዋል፡፡

በዚሁ መሠረት ሚድሮክን በኢትዮጵያ ወክለው በዋና ስራ አስፈፃሚነት እንዲያገለግሉ አቶ አብነት ገብረመስቀልን ሾመዋል፡፡

አቶ አብነት በተጨማሪም ከባለሀብቱ ኩባንያዎች በኮንስክትራክሽን፣ በሆቴሎች እና በሪል ስቴት ዘርፍ ያሉትን ኩባንያዎች በሙሉ እንዲመሩ መድበዋቸዋል፡፡

በተጨማሪም የመድሀኒት ፋብሪካቸውን ፋርማኪዩርን እየመሩ እንዲቀጥሉም ወስነዋል፡፡

ከዚህ በተጫማሪ አቶ ጀማል አህመድን በዋና ሥራ አስፈፃሚነት ደረጃ በማንፋክቸርንግ፣ በማዕድን፣ በንግድ፣ በግብርና እና በአግሮ ፕሮሰሲንግ ዘርፍ ያሉትን ኩባንያዎች እንዲመሩ መሾማቸውን ካፒታል ዘግቧል፡፡

ደርባ ሲሚኒንቶ ፋብሪካን ደግሞ አቶ ሀይሌ አሰግዴ እየመሩ እንዲቀጥሉና ሌሎች ኩባንያዎችም በነበሩበት ተጠናክረው እንዲቀጥሉ የሚያስችል አዲስ መዋቅር ይፋ ያደረጉት ባለሀብቱ ኩባንያዎቻቸው ለኢትዮጵያ እድገት እንደወትሮው
ሁሉ መስራታቸውን እንዲቀጥሉ መመሪያ መስጠታቸው ተገልጿል።

ሚድርክ ኢትዮጵያን ከ20 ዓመት በላይ የኩባንያዎቹ ዋና ስራ አስፈፃሚ ሆነው ያገለገሉት ዶክተር አረጋ ይርዳው ከሁለት ወር በፊት ከሃላፊነት መነሳታቸው ይታወሳል።

አቶ ጌታቸው ሀጎስ ዶክተር አረጋን ተክተው የሚድሮክ ቴክኖሎጂ ግሩፕ ኩባንያዎች ጊዜያዊ ዋና ስራ አስፈፃሚ ሆነው ሲሰሩ ቆይተው ነበር።

Leave a Reply

Your email address will not be published. Required fields are marked *