መደበኛ ያልሆነ

ሰኔ 17፤2012-ከ27.5 ሚሊየን ብር በላይ የሚገመት የኮንትሮባንድ ዕቃዎች ተያዙ

በዚህ ስድስት ቀናት ውስጥ (ከሰኔ 11-16/12 ዓ.ም) ግምታዊ ዋጋቸው ከ27.5 ሚሊዮን ብር በላይ የሚገመት ልዩ ልዩ የኮንትሮባንድ ዕቃዎችና የንግድ ማጭበርበር እንቅስቃሴዎችን በመከታተል በቁጥጥር ስር እንዲውል ተደርጓል።

በሁሉም የጉምሩክ መቆጣጠሪያ ጣቢያዎች ላይ በተደረገው ቁጥጥርና ፍተሻ የተለያዩ ዓይነት ዕቃዎች ላይ ሀሰተኛ ሰነድ በማቅረብና የተለያዩ ስልቶችን በመጠቀም የንግድ ማጭበርበር እንቅስቃሴዎችን የሚያደርጉ ህገወጦችን በመቆጣጠር መንግስት ሊያጣ የነበረ ከ9 ሚሊየን ብር ባለይ ቀረጥና ታክስ እንዲከፈል መደረጉን ከገቢዎች ሚኒስቴር ያገኘነው መረጃ ያሣያል፡፡

በቁጥጥር ስር ከዋሉ የኮንትሮባንድ ዕቃዎች መካከል የጉምሩክ ስነ-ስርዓት ሳይፈጸም ወደ ሀገር የገቡ ተሸከርካሪዎች፣ ኤሌክትሮኒክስ፣ አልባሳት፣ የምግብ ዛይት፣ አደንዛዥ ዕፅና ሺሻ እንዲሁም የተለያዩ የኮንትሮባንድ ዕቃዎች ከፌዴራልና ክልሎች ፀጥታ አካላት ጋር በመሆን በተደረገው ቁጥጥርና ፍተሻ ከነ ኮንትሮባንዲስቶቹ በቁጥጥር ስር እንዲውሉ ተደርጓል ።

Leave a Reply

Your email address will not be published. Required fields are marked *