መደበኛ ያልሆነ

ታህሳስ 30፤2013-ዋነኛው የሃወሃት መሪ ስብሃት ነጋ በቁጥጥር ስር ዋሉ!

ሰበር ዜና


የጥፋት ስትራቴጂስቱና ዋነኛው የህወሓት መሪ ስብሃት ነጋን ጨምሮ ሌሎች የጥፋት ቡድኑ አመራሮች በቁጥጥር ስር መዋላቸውን የሀገር መከላከያ ሰራዊት ገለፁ።

በኢትዮጵያ ላለፉት 27 አመታት የማተራመስ ስትራቴጂ የነደፈ ያስተባበሩና ያደራጀ በመጨረሻም ጦርነት እንዲቀሰቀስ በማድረግ በኢትዮጵያ ሰራዊት ላይ እጅግ ዘግናኝ ጦርነት በመክፈት ሰራዊቱን ያስጨፈጨፈው የህወሓት ዋንኛ አመራር ፣ ስብሃት ነጋ በቁጥጥር ስር ውለዋል።

የመከላከያ ሰራዊት ኃይል ስምሪት መምሪያ ኃላፊ ብርጋዴል ጀነራል ተስፋዬ አያሌው ለኢዜአ እንደገለፁት ፣ የህወሓት ዋንኛ አመራር ስብሃት ነጋ ከተደበቀበት ለሰው ልጅ እጅግ አስቸጋሪ የሆነ ሰርጥ ውስጥ በቁጥጥር ስር መዋላቸው ተገልጿል።

ስብሀትን ፣ የጥፋት ቡድኑ አባላት በሰርጡ ውስጥ ተሸክመው በማስገባት ደብቀውት እንደነበር ብርጋዴል ጀነራል ተስፋዬ ገልፀው ፣ ጀግናው የሀገር መከላከያ ሰራዊትና ሌሎች የፌዴራል የፀጥታ አካላት በጋራ ባደረጉት ፍተሻና አሰሳ፣ ከተደበቀበት በማውጣት በቁጥጥር ስር አውለውታል።

በተጨማሪም ከመከላከያ የከዱ ሌሎች የቡድኑ አመራሮች ከህወሓት መሪ ስብሃት ነጋ ጋር አብረው በቁጥጥር ስር መዋላቸውን አመልክተዋል።

ዋንኛ የህወሓት አመራርና ስብሃት ነጋ ፣ ሌተናል ኮሎኔል ፀአዱ ሪች- የስብሃት ነጋ ባለቤትና ቀደም ሲል በጦር ሃይሎች ሆስፒተል ሃኪም የነበረች፣ በኋላም በጡረታ የተገለለች ፣ ኮሎኔል ክንፈ ታደሰ – ከመከላከያ የከዳ ፣ ኮሎኔል የማነ ካህሳይ – ከመከላከያ የከዳ ፣ አስገደ ገ/ክርስቶስ – ከመሃል ሀገር ተጉዞ ቡድኑን የተቀላቀለና ለጊዜው ሃላፊነቱ ያልታወቀ ግለሰብ በቁጥጥር ስር ውለዋል፡፡

የሜጀር ጀነራል ሃየሎም አርአያ ባለቤት የነበረችና ኑሮዋን በአሜሪካ አድርጋ የቆየች በኋላም ወደ አዲስ አበባ በመምጣት ወደ ቡድኑን ተቀላቅላ የነበረች፣ ወይዘሮ አልጋነሽ መለስ ህወሓትን በመያዝ ኦፕሬሽን ሂደት ውስጥ ለማምለጥ ስትሞክር ገደል በመግባት ህይወቷ ማለፉን ብርጋዴል ጀነራል ተስፋዬ አያሌው ገልፀዋል።

Leave a Reply

Your email address will not be published. Required fields are marked *