መደበኛ ያልሆነ

ጥር 5፤2013-በአዲስ አበባ የሚገኙ የመንግስት ትምህርት ቤት ተማሪዎች ፤ ተመሳሳይ ጫማና ቦርሳ መጠቀም ሊጀምሩ ነው

በአዲስ አበባ በሚገኙ የመንግስት ትምህርት ቤቶች የደምብ ልብሶቹ ውስጥ ጫማና ቦርሳ በማካተት ወደ ስርአቱ ለማስገባት እየተሰራ ይገኛል፡፡

ለዚህም በቆዳ ኢንዱስትሪ ልማት ኢንስቲትየት አማካኝነት ፣ ፕሮጀክቱን የሁለተኛ መንፈቀ አመት የትምህርት ጊዜ ከመጀመሩ በፊት ወደ ተማሪዎቹ ለማስተላለፍ ርብርብ እየተደረገ ስለመሆኑ ብስራት ሰምቷል፡፡

የኢንስቲትዩት የጫማ ኢንዱስትሪ ልማት ዳይሬክቶሬት ዳይሬክተር አቶ ዙልፊካር አባጂሀድ በተለይ ለብሰራት ሬዲዮ እንደተናገሩት ፤ በቀጣይ 2 ወራት ጫማ እና ቦርሳን በደንብ ልብሱ አልያም ዩኒፎርም ጋር በማካተት ወደ ስርአቱ ለማስገባት እየተሰራ ነው ብለዋል፡፡

በኢንስቲትዩቱ በተዘጋጀው ዲዛይንና ስፔሲፊኬሽን መሰረት የጫማና ቦርሳ ምርቶቹን ለማምረት 14 ፋብሪካዎች ናሙና አቅርበው ጥራቱን ለማረጋገጥ የላብራቶሪ ፍተሻ መደረጉን እና ባላቸው የጥራት ደረጃ እንዲሁም የዋጋ ተመን ተመርጠው ወደ ስራ እንደሚገቡ ተጠቅሷል፡፡

ከኬጂ ጀምሮ ፣ ከ 1 እስከ 4 እና ከ5 እስከ 8 የትምህርት ደረጃዎች ላይ ለሚገኙ ተማሪዎች (አምስት መቶ ሺ) 500,000 ጥንድ ጫማዎችን እንደሚመረት ገልፀዋል፡፡

ኢንስቲትዩቱ ፕሮጀክቱን ከመቅረጽ ጀምሮ ባለድርሻ አካላትን የማወያየት ፣ የምርት ዲዛይን የመቅረጽ ፣ ፋብሪካዎች ላቀረቡት ናሙናዎች የቴክኒክ ድጋፍ መስጠት እና ሌሎች ስራዎችን ያከናውናል፡፡

ከሲዳማና ከኦሮሚያ ክልሎች ጋርም ውይይት እየተደረገ ስለሆነ በቀጣይ የጋራ እቅድ ተዘጋጅቶ ወደ ስራ እንደሚገባም አስረድተዋል፡፡

ቤተልሄም እሸቱ

Leave a Reply

Your email address will not be published. Required fields are marked *