መደበኛ ያልሆነ

ህዳር 14፤2014-የአብን ከፍተኛ አመራር አቶ ክርስቲያን ታደለ ወደ ግንባር ለመዝመት መቁረጣቸውን አስታወቀ

የአብን ከፍተኛ አመራር አቶ ክርስቲያን ታደለ ወደ ግንባር ለመዝመት መቁረጣቸውን አስታወቀ

በህዝብ ተወካዮች ምክር ቤት የመንግስት ወጪ አስተዳደርና ቁጥጥር ቋሚ ኮሚቴ ሰብሳቢና የአብን ፖለቲካዊ ጉዳዮች ኃላፊ የሆኑት አቶ ክርስቲያን ታደለ የጠቅላይ ሚኒስትር ዐቢይ አሕመድን ጥሪ ተከትለው ወደ ግንባር ለመዝመት መነሳታቸውን አስታውቀዋል።

አቶ ክርስቲያን ታደለ “ለአገር አንድነትና ለሕዝብ ደኅንነት የምንሰስተው ሕይወት የለምና እኛም ከጠቅላይ ሚኒስትሩ ጋር እንዘምታለን። ሕዝቤ ሆይ ተከተል!” ሲሉም ጥሪያቸውን አስተላልፈዋል።

ጠቅላይ ሚኒስትር ዐቢይ አሕመድ በአገር መሪ ደረጃ ወደ ግንባር ለመዝመት መነሳታቸው ታሪካዊ ውሳኔ እንደሆነም አቶ ክርስቲያን ገልፀዋል።

የጠቅላይ ሚኒስትሩ ውሳኔ እና ጥሪ ኢትዮጵያውያንን ከዳር ስእከዳር ያነሳሳ እና ሁሉም ከመሪው ጎን ተሰልፎ መስእዋትነት ለመክፈል ያነሳሳ እንደሆነም አቶ ክርስቲያን ገልፀዋል።

የህልውና ዘመቻው የኢትዮጵያን አንድነት ለማስጠበቅ፣ ለክብር እና ለነፃነት የሚደረግ ጦርነት ነው ያሉት አቶ ክርስቲያን የጠቅላይ ሚኒስትሩን ውሳኔ ከኢትዮጵያውያንም በተጨማሪ በርካታ አፍሪቃውያንንም የሚያነሳሳ ነው ብለዋል።

የጠቅላይ ሚኒስትሩን ጥሪ ሁሉም በነቂስ ተነስቷል፤ ጥሪው ከዚህ ቀደም ከነበረው በተሻለ መናበብ እና ቁርጠኝነት ሁሉም እንዲነሳ ያደረገ እና ለጠላትም ትልቅ ሽብርን የሚፈጥር እንደሆነም ነው አቶ ክርስቲን የገለፁት።

Leave a Reply

Your email address will not be published. Required fields are marked *