መደበኛ ያልሆነ

ህዳር 28፤2014-ኬንያዊዉ ፖለቲከኛ ፕሬዝዳንት ሆኜ ከተመረጥኩ ለአዲስ ሙሽሮችች ብድር እሰጣለሁ ሲሉ ቃል ገቡ

በኬንያ ፕሬዚዳንታዊ ምርጫ እጩ ተወዳዳሪ ሆነዉ የቀረቡት ፓለቲከኛ በሚቀጥለው ዓመት አጠቃላይ ምርጫ ማሸነፍ ከቻልኩ ለአዲስ ሙሽሮች ከ4,400 እስከ 8,800 ዶላር ብድር እሰጣለሁ ሲሉ ቃል ገብተዋል።እሁድ እለት የፕሬዝዳንት ማኒፌስቶ ይፋ ያደረጉት የማቻኮስ ገዥ አልፍሬድ ሙቱዋ በ20 አመታት ውስጥ በሚከፈል ዝቅተኛ ወለድ ጥንዶች በክብር ህይወት እንዲጀምሩ ይረዳል ይህንንም አደርገዋለሁ ሲሊ ተናግረዋል፡፡

የዚህ ሁሉ ውጤት ምንድን ነው ካላችሁ ክብር ለሁላችንም ያስፈልጋል፣ የኑሮ ደረጃን ማሻሻል ደግሞም በአገር አቀፍ ደረጃ ያሉ ቤቶች ጥራት በመጨመር የጭቃ ቤቶች እንዳይኖሩ አደርጋለዉ ሲሉ ሙቱዋ ተናግረዋል።ችግኝ ተከላ ደግሞ እንደ ጥሎሽ ክፍያ እንዲቆጠር መንግስታቸው እንደሚሰራ ተናግረዋል፡፡ሙቱዋ ጥሎሽ ለመክፈል ስትሄዱ ምን ያህል ዛፎች እንደዘራችኋቸው መናገር ግን ይኖርባችኃል ሲሉም ፖለቲከኛዉ ተደምጠዋል፡፡ኬንያውያን ግን ፖለቲከኛዉ የሰጡት ሀሳብ ላይ የሰላ ትችት እና ፌዝ ፈጥሮባቸዋል።

በ10 አመታት የስልጣን ዘመናቸው የመጨረሻ ወራት ላይ የሚገኙትን ፕሬዝዳንት ኡሁሩ ኬንያታን ለመተካት ወደ አስር የሚጠጉ ፖለቲከኞች ከወዲሁ ዘመቻ ጀምረዋል።በነሀሴ 2022 ለሚካሄደው ምርጫ እንደ ዋና ተፎካካሪ ከሚታዩት መካከል አንጋፋው የተቃዋሚ ፓርቲ መሪ ራይላ ኦዲንጋ እና የወቅቱ ምክትል ፕሬዝዳንት ዊሊያም ሩቶ ይገኙበታል።

ኢኮኖሚው፣ የወጣቶች ስራ እጦት እና ሙስናን መዋጋት የፕሬዚዳንት እጩ ሆነዉ ለቀረቡ ተፎካካሪዎች ዋንኛ አጀንዳ ናቸዉ ቢባሉም ባለፉት ምርጫዎች ኬንያውያን ከፖሊሲ ጉዳዮች ይልቅ በጎሳ ወይም በህብረት ድምጽ እንደሚሰጡ አመላክተዋል፡፡

በስምኦን ደረጄ

Leave a Reply

Your email address will not be published. Required fields are marked *