መደበኛ ያልሆነ

ህዳር 29፤2014-በአራት ወራት ውስጥ ለታላቁ የህዳሴ ግድብ ከ338 ሚሊዮን ብር በላይ ተሰበሰበ

በተያዘው በጀት ዓመት በአራት ወራት ውስጥ ለታላቁ የህዳሴ ግድብ ግንባት 338.5 ሚሊየን ብር መሰብሰቡን የታላቁ የህዳሴ ግድብ ግንባት ሕዝባዊ ተሳትፎ አስተባባሪ ብሔራዊ ምክር ቤት ጽህፈት ቤት አስታውቋል፡፡

የተሰበሰበው ገንዘብ ከሀገር ውስጥ እና በውጪ ከሚኖሩ ኢትዮጵያዊያን እና ትውልደ ኢትዮጵያውያን ሲሆን ገንዘቡ የተገኘው ከቦንድ ግዢ እና ልዩ ልዩ ገቢዎች መሆኑን የጽህፈት ቤቱ የህዝብ ግንኙነት ዋና ዳይሬክተር አቶ ሀይሉ አብርሀም ለብስራት ሬድዮ ተናግረዋል።180 ሚሊየን 382ሺ የሚሆነው ከዲያስፖራው የተገኘ ሲሆን 90 ሚሊዮን 866ሺ ደግሞ ከሀገር ውስጥ ቦንድ ሽያጭ እና ልገሳ ተሰብስቧል።
የግድቡ ግንባት ከተጀመረበት 2003 ዓ.ም ጀምሮ እስከ ጥቅምት 30 ቀን 2014 ዓ.ም ድረስ ከሀገር ውስጥ፣ ከውጪ እና ከቦንድ ሽያጭ ልገሳ እና ልዩ ልዩ ገቢዎች 16 ቢሊዮን 67 ሚሊየን ስድስት መቶ ሶስት ሺ ብር በላይ ተሰብስባል፡፡ አሁን ላይ መላው ኢትዮጵውያን የህልውና ዘመቻ ላይ ቢሆንም እንኳን ለግድቡ የሚደረጉ ድጋፎች ተጠናክረው እንደቀጠሉ ተጠቁሟል፡፡የታላቁ የህዳሴ ግድብ ግንባት አሁን ላይ 82 በመቶ የደረሰ ሲሆን በቅርቡ የኤሌክትሪክ ሀይል እንሚያመነጭ የኢትዮጵያ ኤሌክትሪክ ሃይል መግለፁ ይታወሳል፡፡

በትግስት ላቀዉ

Leave a Reply

Your email address will not be published. Required fields are marked *