መደበኛ ያልሆነ

ታህሳስ 5፤2014-በካሳጊታ በከባድ መሳሪያ ተመተው የወደቁ ምሰሶዎችን መልሶ የመትከል ሥራ ተጠናቀቀ

በካሳጊታ በሽብርተኛው ቡድን ህወሓት በከባድ መሳሪያ ተመተው የወደቁ ምሰሶዎችን መልሶ የመትከል ሥራ መጠናቀቁን የኢትዮጵያ ኤሌክትሪክ ኃይል አስታወቀ፡፡በአሸባሪው ህወሓት የወደሙ የኤሌክትሪክ መሰረተ ልማቶችን በመጠገን መልሶ ወደ ሥራ ለማስገባት የሚደረገው ርብርብ ተጠናክሮ መቀጠሉን በኢትዮጵያ ኤሌክትሪክ ኃይል የማስተላለፊያ መስመር ጥገና የቴክኒክ ድጋፍ ኃላፊ አቶ ተስፋዬ መንግስቱ ለብስራት ሬድዮ ተናረዋል፡፡

የደረሱ ጉዳቶችን በመለየትና በፍጥነት መልሶ በመጠገን አገልግሎት እንዲሰጡ ለማድረግ በተቋሙ ዘጠኙም ሪጅኖች ያሉ የጥገና ባለሙያዎች በቅንጅት በመሥራት ላይ ናቸው ተብላል፡፡የጥገና ቡድኑ ሥራውን ለማቀላጠፍ በሦስት አቅጣጫዎች በጋሸና፣በኮምቦልቻ እና በሚሌ መስመሮች ተከፋፍሎ እየሰራ መሆኑን ኃላፊው ገልፀዋል።

በኮምቦልቻ መስመር ጥገናውን እያከናወነ ያለው ቡድን ባከናወናቸው የመልሶ ጥገና ሥራዎች ከሸዋ ሮቢት እስከ ደሴ ያሉ ከተሞች እንዲሁም ወደ አቀስታ መስመር ያሉ ከተሞች ኤሌክትሪክ እንዲያገኙ ማድረግ ተችሏል፡፡

በሚሌ በኩል ያለውን የጥገና ሥራ የሚያስተባብሩት የምሥራቅ ሪጅን ትራንስሚሽን ኦፕሬሽን ከካሳጊታ እስከ ኤሊውሃ 20 ኪሎ ሜትር ርዝመት ባለው መስመር ላይ ከፍተኛ ጉዳት መድረሱንና መስመሩን በአብዛኛው እንደአዲስ የመዘርጋት ሥራ እየተከናወነ ይገኛል። ከኮምቦልቻ ሠመራ የሚሔደውን ባለ 230 ኪሎ ቮልት ከፍተኛ የኃይል ማስተላለፊያ መስመር የጥገና ሥራውን በአጭር ጊዜ ለማጠናቀቅ በአራት ቡድኖች ተከፋፍሎ እየተሰራ እንደሚገኝ ተነግሯል፡፡

በትዕግስት ላቀው

Leave a Reply

Your email address will not be published. Required fields are marked *