መደበኛ ያልሆነ

ታህሳስ 12፤2014-“ለ 40 ቀን በአባቱ እቅፍ ዉስጥ ሆኖ ለኢትዮጵያ የተዋጋዉን ህፃን ቢኒያም ጌታቸውን እና አሳዳጊ አክስቶቹን ዛሬ በአካል አግኝቻቸዋለሁ”: አዳነች አቤቤ

የጀግናው መቶ አለቃ ጌታቸው ሞረዳ ልጅ በእዚህ የጨቅላነት ዕድሜው ማየት የማይገባውን አይቷል። የኢትዮጵያ ጀግኖች ልጆች ለአገራቸው ሲዋደቁ በልጅነት አይኑ፣ በህፃን አእምሮዉ ቀርፆ አስቀምጧል።
ጀግና አባቱ በጀግንነት ለኢትዮጵያ ክብር መሰዋቱም ይታወሳል።

ህፃን ቢኒያም አሁን ላይ በአእምሮው ምን እንደሚመላለስ መገመት አያዳግትም። በመሆኑም በፍጥነት ትምህርት እንዲጀምር አስፈላጊው የስነልቦና ድጋፍና ክትትል እንዲደረግለት፣ አሳዳጊዎቹም በተረጋጋ ሁኔታ ቢኒያምን እንዲያሳድጉ አስፈላጊውን ሁሉ ድጋፍ ከሌሎችም ባለድርሻ አካላት ጋር አድርገናል ብለዋል ከንቲባ አዳነች።

የአዲስአበባ ከተማ አስተዳደር በቀጣይም ነዋሪነታቸው አዲስ አበባ የሆኑ ህይወታቸውን ለአገራቸዉ ሲሉ ለሰዉ የሰራዊቱ አባል ቤተሰቦች አስፈላጊውን ድጋፍ ለማድረግ የቅድመ ዝግጅት ተግባራትን እያከናወነ ይገኛል። ለኢትዮጵያ የወደቁ ጀግኖች ልጆችን መንከባከብ፣ “አለንላችሁ” ማለት ከሁላችንም ይጠበቃልና ይህ ተግባር ችሮታ ሳይሆን ግዴታችን በመሆኑም መሰል ተግባራት በክልሎችም እንደሚተገበሩ ተስፋ አደርጋለሁ ሲሉ የአዲስ አበባ ከንቲባ አዳነች አቤቤ ተናግረዋል።

ለቢኒያም አሳዳጊዎች በ2013 ዓ/ም ባጣራነዉ መሰረት በህገወጥ ተይዘው ከተገኙ የጋራ መኖሪያ ቤቶች ዉስጥ አንዱን አስረክበናቸዋል ብለዋል።

በዚህ ሂደት ዉስጥ አስተዋጽኦ ያበረከታችሁ ልጁ ራሱን እስከሚችል አመታዊ ወጪዉን ለመሸፈን ዛሬ በተግባር የጀመሩትን አቶ ሳቢር አረጋዉንና የጂብሰን ትምህርት ቤትን ምስጋናዬ ይድረሳችሁ ሲሉም ገልፀዋል።

Leave a Reply

Your email address will not be published. Required fields are marked *