መደበኛ ያልሆነ

ጥር 9፤2014-በእንግሊዝ በኮቪድ የተጠቃ ሰዉ ራሱን ማግለል ያለበት ለአምስት ቀናት ብቻ እንዲሆን ተወሰነ

በእንግሊዝ ውስጥ በኮቪድ-19 የተጠቁ ሰዎች ራሳቸዉን አግልለዉ የሚቆዩበት ዝቅተኛው ጊዜ ወደ አምስት ሙሉ ቀናት እንዲሆን ዉሳኔ ተላልፏል፡፡በኢኮኖሚው ውስጥ ያለውን የሰራተኞች እጥረት ለማቃለል የህክምና ማስረጃዎችን በመገምገም ሰዎች ለይቶ ማቆያ ዉስጥ የሚያሳልፉበትን ቀናት ተቀንሷል።

ነገር ግን ሰዎች በተገለሉበት በአምስት እና በስድስት ቀናት ውስጥ ከቫይረሱ ነጻ መሆናቸውን የሚያሳይ ማስረጃ ማቅረብ ይኖርባቸዋል፡፡ይህ በእንዲህ እንዳ፣ የ16 እና የ17 አመት ታዳጊዎች በክትባት ማእከል በመገኘት ቫይረሱን ለመከላከል የሚስችል ክትባት መዉሰድ እንዲችሉ ተፈቅዷል፡፡

በእንግሊዝ ውስጥ ራስን ለይቶ የማቆያ ቀናት ባለፈው ወር ከ10 ወደ ሰባት ቀናት ዝቅ እንዲል ተደርጎ ነበር፡፡በዚህም ባለፈው ወር በስድስት እና በሰባት ቀናት ዉስጥ ሰዎች አገግመዉ ከቫይረሱ ነጻ የሆኑባቸዉ አጋጣሚዎች ተስተዉሏል፡፡

ራስን በማግለል ህግ መሰረት፣ ሰዎች ምልክቱ ከሚታይባቸዉ ወይም በቫይረሱ መያዛቸዉ በምርመራ የተረጋገጠበት ቀን ሳይቆጠር ከሚቀጥለው ቀን ጀምሮ አንስቶ ለአምስት ተከታታይ ቀናት ራሳቸዉን ያገላሉ፡፡

በሚኪያስ ፀጋዬ

Leave a Reply

Your email address will not be published. Required fields are marked *