መደበኛ ያልሆነ

ጥር 12፤2015-የፔሩ ዋና ከተማ ሊማን ለመቆጣጠር የሞከሩ የተቃዋሚ ሰልፈኞችን ፖሊስ በአስለቃሽ ጭስ በተነ

በፔሩ ዋና ከተማ ሊማ የተቃዋሚ ሰልፈኞች ፕሬዚዳንት ዲና ቦሉዋርት ከስልጣን እንዲወርዱ ለመጠየቅ ወደ ከተማዋ በገቡበት ወቅት ፖሊስ አስለቃሽ ጭስ በመተኮስ ለመበተን ሞክሯል፡፡ሰልፈኞቹ በትላንትናዉ ዕለት በሊማ ታሪካዊ ዳውንታውን አካባቢ ኮንግረሱን ጨምሮ ቁልፍ የመንግስት ህንጻዎች ለመቆጣጠር ሲሞክሩ ከጸጥታ ሃይሎች ጋር ግጭት ዉስጥ ገብተዋል፡፡

ለበርካታ የመንግስት መስሪያ ቤቶች ቅርብ ከሆነው ህንፃ ላይ እሳት መቀስቀሱን ተከትሎ ሰዎች ንብረታቸውን ለማውጣት ሲጣደፉ የሚያሳዩ ምስሎች ተጋርተዋል። የፔሩ ብሄራዊ ፖሊስ ነዋሪዎች ከአካባቢው እንዲርቁ ጠይቋል።

ተቃዋሚ ሰልፈኞች ከፖሊስ ጋር የድመት እና የአይጥ ሁኔታን በአደባባይ ሲያሳዩ የነበረ ሲሆን አንዳንድ ተቃዋሚዎች ከፖሊስ ጋር በመጋፈጥ ድንጋይ ሲወረውሩ በአጸፋዉ አስለቃሽ ጭስ ተተኩሷል፡፡ፖሊስ በተቃውሞው ወደ 3,500 የሚጠጉ ሰዎች እንደተሳተፉ ቢገልጽም ሌሎች ሪፖርቶች ግን ቁጥሩ ከተገመተው እጥፍ ሊበልጥ እንደሚችል ተናግረዋል፡፡

በተቃውሞ ለተገደሉት 50 የሚጠጉ ሰዎች ፍትህ እንፈልጋለን ፕሬዝዳንቷ ቦልዋርቴ ስልጣን እስክትለቅ ድረስ ሰልፍ ማድረጋችንን እንቀጥላለን ሲሉ ቃል ገብተዋል።በትላንትናዉ ተቃዉሞ በአጠቃላይ 22 የፖሊስ መኮንኖች እና 16 ሲቪሎች መቁሰላቸዉን የሀገር ውስጥ ጉዳይ ሚኒስትር ቪሴንቴ ሮሜሮ ፈርናንዴዝ ተናግረዋል፡፡

በስምኦን ደረጄ

Leave a Reply

Your email address will not be published. Required fields are marked *