መደበኛ ያልሆነ

ጥር 15፤2015-በኦሮሚያ ክልል በአንድ ሳምንት ውስጥ በደረሰ የትራፊክ አደጋ የ18 ሰዎች ህይወት አልፏል

በኦሮሚያ ክልል ከጥር 8 እስከ ጥር 14 ቀን 2015 ዓ.ም ድረስ ባሉት ቀናቶች በደረሱ የትራፊክ አደጋዎች የ18 ሰዎች ህይወት ሲያልፍ ፤ በ16 ሰዎች ላይ ከባድ እና በ31 ሰዎች ላይ ደግሞ ቀላል የአካል ጉዳት ደርሷል፡፡

በንብረት ላይ የደረሰዉ ዉድመት በገንዘብ ሲተመን ከ13ሚሊየን 612 ሺ ብር በላይ እንደሚገመት በኦሮሚያ ፖሊስ ኮሚሽን የትራፊክ አደጋ መረጃ ጥናት እና አገልግሎት ዲቪዥን ኃላፊ ረዳት ኢንስፔክተር ታደለ ሌጂሳ ለብስራት ሬዲዮ ተናግረዋል፡፡

አደጋዎቹ ምስራቅ ሸዋ አዳባ፣ምዕራብ ሀረርጌ ጭሮ ፣ምዕራብ ሸዋ ሊበን ሻዊ፣ምዕራብ ሀረርጌ ዶባ፣ደቡብ ምዕራብ ሸዋ ሶዳ ዳኬች ወረዳዎች እና አንቦ፣ሮቤ እና ሸገር ከተማ ገላን ክፍለ ከተማዎች የደረሱ ናቸው፡፡አደጋዎቹ ከጠዋቱ 12 ሰዓት እስከ ለሊቱ 6፡30 ሰዓት የተመዘገቡ ሲሆን አብዛኛዎቹ የሞት አደጋዎች የደረሱት በጭነት ተሽከርካሪ፣በህዝብ ማመላለሻ ፣ በሶስት እግር (ባጃጅ) ተሸርከርካሪዎች የተከሰቱ መሆናቸው ተገልጿል፡፡

የአደጋዎቹ ሁኔታ ካለፈው ሳምንት ጋር ሲነፃፀር የጨመረ ሲሆን ፤ መንስኤዎቹ ለእግረኛ ቅድሚያ አለመስጠት፣ ከፍጥነት ወሰን በላይ ማሽከርከር ፣የተሽከርካሪ የቴክኒክ ችግር፣ርቀትን ጠብቆ አለማሽርከር መሆኑን ረዳት ኢንስፔክተር ታደለ ሌጂሳ ጨምረው ለብስራት ሬዲዮ ተናግረዋል፡፡

በሳምራዊት ስዩም

Leave a Reply

Your email address will not be published. Required fields are marked *