መደበኛ ያልሆነ

ህዳር 24፤2016 –በአዲስ አበባ የግል የመዋዕለ ህጻናት ትምህርት ቤቶች አካል ጉዳተኛ ተማሪዎችን ለመቀበል ፈቃደኛ አደደሉም ተባለ

???????? አንዳንድ የመንግስት ትምህርት ቤቶች ላይ ዳተኛነት ይታይባቸዋል

በትናንትናው እለት የተከበረዉን አለማቀፉን የአካል ጉዳተኞችን ቀን በማስመልከት የኢትዮጵያ የህግ ባለሙያ አካል ጉዳተኞች ማህበር ፤ የአካል ጉዳተኞችን አዋጅ የማዉጣት ሂደት መጓተቱን ተከትሎ እንዳሳሰበዉ ለብስራት ራዲዮና ቴሌቪዥን በላከዉ መግለጫ አስታዉቋል።

የማህበሩ ዋና ዳይሬክተር አቶ ሙሴ ጥላሁን ከጣቢያችን ጋር በነበራቸዉ ቆይታ አካል ጉዳተኞች እየደረሰባቸዉ ያለዉ መሰረታዊ የመብት ጥሰት መጨመሩን ተናግረዋል። በማብራሪያቸዉ በአዲስአበባ ያሉ የግል የመዋዕለ ህጻናት ትምህርት ቤቶች አካል ጉዳተኛ ተማሪዎችን ለመቀበል ፈቃደኝነቱ እንደሌላቸዉ ተናግረዋል። በተመሳሳይ አንዳንድ የግል ት/ት ቤቶችም አካል ጉዳተኛ ተማሪዎችን ለመቀበል ዳተኛነት እንደሚያሳዩ አቶ ሙሴ አንስተዋል።

“የት/ት ተቋማቱ ሀይ ባይ አጥተዋል” ያሉት የማህበሩ ዳይሬክተር ፤ ይህን መሰል አካል ጉዳተኞች ላይ የሚደርሰዉን የመብት ጥሰት የሚከላከል የአካል ጉዳተኞች አዋጅ አመለመጽደቁ ያመጣዉ መሆኑንም አጽኖት ሰጥተዋል። በተመሳሳይ አካል ጉዳተኞች መዋቅራዊ በሆነ መልኩ በቅጥር ሂደት ላይ አድልዎ እንደሚፈጸምባቸዉም ተናግረዋል። አካል ጉዳተኞቹ ቅጥር ካገኙ እንኳን ህጋዊ መብታቸውን እንዳያገኙ በቀጣሪዎች በርካታ የመብት ጥያቄ ያነሳሉ በሚል በርካታ ፈተናዎችን እንደሚጋፈጡም አቶ ሙሴ ጠቁመዋል።

ማህበሩ በአካል ጉዳተኞች አዋጅ አለመጽደቅን ተከትሎ ባወጣዉ መግለጫ  የኢፌድሪ ጠ/ሚ ዐቢይ አሕመድ ፤ የአዋጁን መዉጣት አስፈላጊነት ለካቢኔያቸዉ ማህበሩ ማስረዳት የሚችልበትን መድረክ እንዲያመቻቹም ጠይቋል።

በበረከት ሞገስ

Leave a Reply

Your email address will not be published. Required fields are marked *