መደበኛ ያልሆነ

የአዲስ አበባ ንግድ ቢሮ

የአዲስ አበባን ንግድ ቢሮ “ወደ መደበኛ የንግድ ስርዓት የማስገባቸው፣የጎዳና ነጋዴዎች፤የከተማዋን የኑሮ ውድነት እንደሚያቃልሉ ተስፋ አለኝ” ብሏል፡፡
በቅርቡ ወደ መደበኛ የንግድ ስርዓት የሚያስገባቸው፤የጎዳና ነጋዴዎች፤የኑሮ ውድነትን ለመቀነስ አስተዋፅኦ እንደሚኖራቸው፤የአዲስ አበባ ንግድ ቢሮ ያለውን እምነት ገልጧል፡፡ ስርዓት እየተዘጋጀለት ያለው የጎዳና ንግድ፤የስራ ዕድልን በመፍጠር እና ፍትሀዊ የንግድ ውድድርን በማስፈን፤ለኑሮ ውድነት መቀነስ አስተዋፅኦ እንደሚኖረው ለብስራት የተናገሩት፤የንግድ ቢሮ ም/ሀላፊ አቶ አሰግደው ሀ/ጊዮርጊስ ናቸው፡፡ እንደርሳቸው ማብራሪያ፤በጥቅሉ በዚህ ዓመት፤በህጋዊ መንገድ የሚሰማሩ የጎዳና ነጋዴዎች፤በዝቅተኛ የገቢ ደረጃ ላይ ለሚገኙ ዜጎች በተመጣጣኝ ዋጋ፤የታሸጉ ምግቦችን፣መጠጦችን፣አልባሳትን እና ጫማዎችን በማቅረብ፤የገበያ ማረጋጋት ሚና ይኖራቸዋል ተብሎ ተገምቷል፡፡ ይህንኑ ተከትሎም፤ለኑሮ ውድነት ቀዳሚ ምክንያት የሆነው የሸቀጦች ዋጋ መናር በመጠኑም ቢሆን እንደሚቀንስ እና ለዜጎችም የአማራጭ ምርቶችን ብዛት እንደሚጨምር፤አቶ አሰግደው ለብስራት ተናግረዋል፡፡ ከአዲስ አበባ ንግድ ቢሮ የተገኘው መረጃ እንደሚያመላክተው፤ካለፈው መጋቢት ወር አንስቶ በተከናወነ ምዝገባ፤24 ሺህ 778 መደበኛ ያልሆኑ የጎዳና ላይ ነጋዴዎች ስለመኖራቸው የታወቀ ሲሆን፤ከእነዚህ ውስጥ 6ሺህ 502 የሚሆኑትን ቢሮው በመመዝገብ እና የንግድ መለያ ቁጥር በመስጠት ወደ መደበኛ ንግድ አስገብቷል፡፡ እስከ ጥቅምት 30 በሚቆየው የምዝገባ ጊዜም፤ይመዘገባሉ ተብለው የሚጠበቁትን ጨምሮ፤ በጥቅሉ 35ሺ የጎዳና ነጋዴዎችን፤በዚህ ዓመት ወደ መደበኛ የንግድ ስርዓት ለማስገባት የአዲስ አበባ ንግድ ቢሮ አቅዷል፡፡

መደበኛ ያልሆነ

ሴት ሰራተኞች

የህፃናት ማቆያን በከፈቱ የመንግስት ተቋማት አገልግሎት የሚሠጡ ሴት ሰራተኞች ለልጆቻቸው የትራንስፖርት አገልግሎት እንዲጠቀሙ መደረጉ ተነገረ፡፡

 

የሴቶች ፤ ህፃናትና ወጣቶች ጉዳይ ሚኒስቴር የመንግስት ሰራተኛ እናቶች የህፃናት ማቆያ አገልግሎት እንዲያገኙ ባደረገዉ ጥረት አገልግሎቱ በተወሰኑ መስሪያ ቤቶች እንዲሰጥ መደረጉ ይታወሳል፡፡

ሆኖም ወደ ማቆያዉ ልጆቻቸዉን ይዘዉ ሲመጡ ከፍተኛ የትራንስፖርት ችግር ስለሚገጥማቸሁ ለከፋ እንግልት መዳረጋቸዉንም ተጠቃሚዎቹ ይናገራሉ፡፡

 

የኢ.ፌ.ዴ.ሪ የሴቶች ሕጻናትና ወጣቶች ጉዳይ ሚኒስቴር ከፍተኛ የኮምኒኬሽን ባለሙያ አቶ መላኩ ባዩ ለብስራት ሬድዮ እንደተናገሩት ችግሩን ከግምት ዉስጥ በማስገባት ሚኒስቴር መ/ቤቱ የፐብሊክ ትራንስፖርት አገልግሎት ከህፃናት ልጆቻቸዉ ጋር እንዲያገኙ ከባለድርሻ አካላት ጋር ሲሰራ ቆይቷል፡፡

በዚሁ መሰረትም የፐብሊክ ሰርቪስ ሰራተኞች የትረንስፖርት አገልግሎት ድርጅት ባደረገዉ ትብብር ቅድመ-ሁኔታዎችን ለሚያሟሉ ሴት የመንግስት ሰራተኞች የትራንስፖርት አገልግሎቱ እንደሚሰጥ ታውቋል፡፡

አቶ መላኩ ለብስራት ሬድዮ እንደነገሩን የጠቀመጡት ቅድመ ሁኔታዎች በሚሰሩበት መስሪያ ቤት የሕፃናት ማቆያ መቋቋሙን የሚገልጽ ደብዳቤ፡፡
የሕጻኑ/የሕጻንዋ የልደት ሰርተፍኬት ፎቶኮፒ በሚሰሩበት መ/ቤት ሰው ሃይል ከዋናው ጋር ተመሳክሮ በኃላፊ ተፈርሞ እና የመ/ቤቱ ማህተም ተደርጎበት መቅረብ ይኖርበታል፡፡

ሕጻን ይዛ የምትጓጓዘው ሴት የፐብሊክ ሰርቪስ ሠራተኛ መረጃ ተ.ቁ ፤ ሙሉ ስም ከነአያት፤ የመኖርያ አድራሻ ፤ክፈለከተማ፤ የቤትቁጥር ፤ታክሲ ወይም አውቶቡስ የምትሳፈርበት ቦታ ልዩ ስም፤ ሞባይል ስልክ ቁጥር፤ የመ/ቤት ስምና መ/ቤት የሚገኝበት ቦታ ልዩ ስም በቅጹ ተሞልቶ በሸኝ ደብዳቤ ማህተምና ፊርማ ተደርጎበት በሰውሃብት ባለሙያዎች ለየፐብሊክ ሰርቪስ ሰራተኞች የትረንስፖርት አገልግሎት ድርጅት እንዲላክ እና ለዚህ የተዘጋጀ ልዩ መታወቂያ እንዲዘጋጅላቸው ማድረግ እንደሚገባም ተጠቁሟል፡፡

 

በማህሌት ካሳሁን

ጦማር/ዜና

ማኔ ቴቀል ፋሬስ

በአሜሪካ መዲና ክስተቱ ከተፈፀመ ዉሎ አድሮአል።።።በአጋጣሚም ከክስተቱ ከጥቂት ቀናት በኃላ ከቤተሰብ ጋራ የስፖርቱን በአል ለመታደም ወደመዲናዋ አቀናን።።።ካለፍንበት አይቀር በማለት ቤተሰብን ይዤ ነጭ ቤት ተብሎ በሚጠራዉ ወደ አሜሪካ ቤተመንግስት ደጃፍ አቅንተን ነበር።።።።ይህቺን የነፃነት እና የብሩህ ተስፋ የተጎናፀፈችን አገረ አሜሪካን ከተቀላቀልኩ አመታቶች ሳስቆጥር በዚህ በቤተመንግስት ደጃፍ እግሬን ሳስረግጥ ይህ የመጀመሪያዬ ባይሆንም ባሁኑ ግን ውስጤ ነጩ ቤት ክብር የሌለዉ ወና ባዶ ቤት መስሎ ታየኝ።።።።።ጥቁር ስለሆነ ብቻ ሳይሆን ከዛም አልፎ ባባቱ ከጎረቤት አገር ኬንያዊ: በናቱ ነጭነትን ይዞ በሃይማኖት አባቱ ሙስሌም ሆኖ: የናቱን ሃይማኖት ክርስትናን መርጦ በዉነት ይህቺን ብኩን አለምን የመሰለ የአሜሪካ ፕሬዘዳንትን የዛሬ ሰባት አመት ገደማ ስንመርጥ በኩራት እና በደስታ ነበር።።።።የነጩን ቤት ስልጣን ከተረከበ በኃላም በአሜሪካ የፖለቲካ ታሪክ ይከናወናሉ ተብለዉ ያልታሰቡትን አጀንዳዎች በከባድ ሰላማዊ ጦርነት እዉን እንዲሆኑ በማድረጉ እጅ ነስተናል።።።ሆኖም ከቀናቶች በፊት ግን የአሜሪካ ሱፕሪም ኮርት በ ግብረሰዶማውያን ላይ በወሰኑት አሳዛኝ ዉሳኔን አስታኮ ከሁለት መቶ አመት በላይ ተከብሮ በርካታ ፕሬዘዳንቶችን አሳልፎ እዚህ የደረሰዉን ቤተመንግስት እንዲረክስ አድርጎታል።።።።በግሌ ከአምላክ ትእዛዝ ዉጪ መመራትን ባልቀበለዉም።።።።የፕሬዘዳንቱ ዉሳኔ እራሱን የቻለ ሌላ ፖለቲካዊ ትርምስ እንዳለዉ ይገባኛል።።።።ነገር ግን ንብረቱ የአሜሪካ ህዝብ የሆነዉን ቤተመንግስት።።።ፕሬዘዳቶች እንዲሰሩበት እና እንዲኖሩበት ይሰጣቸዋል እንጂ በቤተመንግስቱ ላይ ደስታን ለመግለፅ በቁጥር ከሶስት ፐርሰንት ለማይበልጡት የግብረሰዶማውያንን ምልክት የሆነዉን ቀለም ማብራት በከፍተኛ ደረጃ ህዝብን መናቅ እና መድፈር ነዉ።።።።። ፕሬዘዳንት ኦባማ ለዚህም ነዉ ማኔ ቴቄል ፋሬስ ያልኮት።።።አዎ በጣም ቀለዉ ተገኝተዋል።።።።ይህን ቅለት ይዘዉ በቅድስት ኢትዮጲያ ለመሄድ ዝግጅት ላይ እንደሆኑ ይታወቃል ይህን ትርምሶን አገሪቷ አትፈልገዉም።

የሚጠቅማትን ይዘዉ ይሂዱ።
ማኔ ቴቀል ፋሬስ (ተመዝነህ ቀለህ ተገኘህ)

ዘካርያስ ጌታቸዉ

ጦማር/ዜና

የኦባማ ስኬት/የአፍሪቃ ጉዞ

የአሜሪካ ፓለቲካ ሂደት እጅግ ከባድ እና ዉጣ ወረድ ያለዉ ነዉ። ፖለቲካዉ በሁለት ትላልቅ ፓርቲዎች የተወጠረና ፓርቲዉን የሚመሩት ግለሰቦች ከአገራዊ አመለካከት ለፓርቲአቸዉ አድልኦ ስላላቸዉ አንድ ፕሬዘዳንት የሚፈልገዉን ሰርቶ መቀመጫዉን ለመልቀቅ በጣም አስቸጋሪ ነዉ። ፕሬዘዳንት ኦባማ ከብዙ መሰናክሎች በኃላ የሚከተሉትን በታሪክ እንዲዘገቡ አድርገዋል።
1, የቀጥታ 65 ወራቶች የኢኮኖሚ እድገት
2, የግል ስራዎች እድገት ( longest period of private sector job creation in American history)
3, ስርአጥነት ከ10.1(2009) ወደ 5.4 መዉረድ(2015)
4, ፕሬዘዳንቱ ቢሮዉን ከተረከቡ ጀምሮ የካንፓኒዎች አክስዮን እድገቱ በሬኮርድ ነዉ።( The stock market continues to set new record high)
5, የመንግስት ብሔራዊ እዳ በ2/3 መዉረድ (ከ2009 በኃላ)
6, በፕሬዘዳንቱ ጃንጥላ ስር የመንግስት ወጪ ያደገዉ በ3.3% ብቻ ነዉ። ይህ ከቀድሞዉ ፕሬዘዳንት አይዘንሃወር በኃላ የመጀመሪያዉ ነዉ።
7, የቀረጥ ክፍያ ለ95% የአሜሪካ ከፋዮች አንሶአል። ይህ በ50 አመት ታሪክ ዉስጥ የመጀመሪያዉ ነዉ
8, ኦባማ ኬር(Affordable Care Act) በሚባለዉ አማካኝነት ወደ 10ሚሊዮን የሚሆኑ ግለሰቦች የህክምና ኢንሹራስ አላቸዉ
9, በ11 አመት ታሪክ ዉስጥ አሁን በቁጥራቸዉ የሚያንሱ ወታደሮች፣ አየር ሃይሎች፣ ማሪኖች በጦርነት ቦታ ላይ ይገኛሉ
10, በፕሬዘዳንቱ ዘመን: ከምንም ጊዜ በበለጠ ወረቀት የሌላቸዉ ዜጎች ተይዘዋል: ወደመጡበት እንዲመለሱም ተደርገዋል።
11, በምንም መልኩ ሊታሰብ የማይችለዉን ኒዉክለርን በተመለከተ ከኢራን ጋራ ሰላም እንዲወርድ አድርገዋል።

ፕሬዘዳንቱ አንድ አመት ከጥቂት ወራቶች ይቀራቸዋል። አንዱ የሚቀጥለዉ አጀንዳቸዉ የአለምን አዳጋች የአየር ንብረትን በተመለከተ ይመስላል። ወደ አሁግረ አፍሪቃ አንቅተዉ ዛሬ ያባታቸዉን አገር ኬንያን ለመጎብኘት እና እናት ኢትዮጰያን ለማየት ምድረ አፍሪቃን ይረግጣሉ…እሮብ ለት በቤተመንግስታቸዉ የ(African Growth and Opportunity Act) ሲፈርሙ አፍሪቃ የሚቀጥለዉ የአለም የኢኮኖሚ ምሰሶ እንደምትሆን ተናግረዋል….ባለፈዉ ወር ፕሬዘዳንቱ ከሀጉሪቷ ጋራ ያለዉን የTrade authority ለ10 አመት ያስቀጠሉት ሲሆን… ይህ ትሬድ ወደ 350000 የሚሆኑ ስራዎችን እንደሚያቅፍ ተነግሮአል….ኢትዮጰያ ምንም እንኳን በቀድሞዉ ንጉስ በግርማዊ ቀዳማዊ ኃይለስላሴ ዘመን ከአሜሪካ መሪዎች ጋራ የነበራት ትስስር ጥሩ ቢሆንም መሬቷን ለመርገጥ የደፈረ እና የታደለ ፕሬዘዳንት ማንም አልነበረም…ይህ የፕሬዘዳንት ኦባማ ጉብኝት በኢትዮጰያ ታሪክ ለመጀመሪያ ጊዜ ይሆናል።

ቸር ይግጠመን

ጦማር/ዜና

ቀዳማዊ ኃይለስላሴ

ቀዳማዊ ኃይለስላሴ በዲፕሎማሲያዊ ክህኖታቸዉ እና ከምእራብ አገሮች መሪዎች ጋራ በነበራቸዉ ቅርበት: የአሜሪካ ፕሬዘዳቶች በአፍሪካ መዲና በአገረ ኢትዮጰያ ብቅ ትልቅ ቢሉ ምንም አያስገርምም ነበር,
ይህ ሊሆን አልቻለም። እግዚአብሔር የፈቀደዉ አህጉሯን የመሰለ, በመምሰል ብቻ ሳይሆን በደሙ አፍሪካዊ በዜግነት አሜሪካዊ የሆነ ፕሬዘዳንት በምስራቅ አፍሪቃ በታላቋ የታሪክ ባለቤት ኢትዮጰያ እና በጎረቤት እና ለፕሬዘዳንቱ ከፊል ባለቤት በሆነቺዉ ኬንያ እንዲመጡ ሆነ።

በዚህ ታሪካዊ ጉብኝት ይህንን ለማለት ወደድን
ያባታቸዉን አገር እንደረገጡ ያስቀደሙት በግራ እህታቸዉን በቀኝ አያታቸዉን አስቀምጠዉ ከዘመዳዝማድ ጋራ እንጀራ መቁረስን የመረጡበት ምሽት አይረሴ ነበር
በስታዲዮሙ ያደረጉት ታሪካዊ ንግግራቸዉ እና ሌሎችም ክንዋኔዎች ቢኖሩም በጋዜጠኞች ስብሰባ ላይ ያገሩ ፕሬዘዳንት ኬንያታ ግብረሶዶማዉያንን በተመለከተ, “ይህ የናንተ ችግር ነዉ የአፍሪቃ አይደለም ብዙ ሊፈወሱ የሚፈለጉ ችግሮች አሉን ለዚህ ቦታ አንሰጠዉም” ያሉት, አገራቸዉን ብቻ ሳይሆን መላዉ አፍሪካን ያኮራ መልስ ነበርና እጅ ነስተናል

አዲስ አበባ ህዝቧ ብቻ ሳይሆን የነበረዉ በአፍሪካ ህብረት ስብሰባ ምክንያት አፍሪካዉያን ከነመሪዎቻቸዉ በመዲናችን ነበሩና ይህንን ጉብኝት ታሪካዊ እና ግለት እንዲኖረዉ አድርጎታል

በታላቁ ቤተመንግስት የእራት ግብዣ ላይ የሰዉን መጀመሪያነት በኢትዮጰያ ያረጋገጠችልንን ከእናት ሉሲ ጋራ መገናኘታቸዉ እና ትከሻቸዉን በስክስታ ወዝወዝ ያደረጉበት እና የቡናና የእጣኑ ምሽት ኢትዮጰያዊነትን አላብሶአቸዉ ነበር ።

በአፍሪካ ህብረት ታሪክ, ተቀማጭ የአሜሪካ መሪ ብቻ ሳይሆን, አለም ያላሰበችዉ የአሜሪካ ጥቁር ፕሬዘዳንት ከወድሞቻቸዉና ከእህቶቻቸዉ ጋራ በአባት ኔልሰን ማንዴላ ስም በተሰየመ አዳራሽ ጣሪያ ስር የታሪካዊ ንግግር ክስተት, መቼ ሊደገም ይችላል የሚለዉን ጥያቄ እንዳናስበዉ ያደርገናል።

በንግግራቸዉ ላይ ለሰዉ ልጅ እኩልነት, መብት እንዲሁም ክብር የሰጠው ትምህርታዊ መልእክት ለታሪክ የሚቀመጥ ነዉ። ከምንም በላይ ግን የስልጣን ዘመንን በተመለከተ ምነዉ ወድሞቼ ይህ አላስፈላጊ እና ሊገባኝ እማይችል ጉዳይ ነዉ, በተለይ ባለሃብት ሆናችሁ ማረፍን አለመፈለጋችሁ የሚገርም ነዉና እባካችሁ ስላጣንን ዉስን አድርጉት ያሉት ንግግር ከጆሮ እማይወጣ ነዉ።

ለአሜሪካ ቀረጥ ከፋዮች ወደ ስድስት ሚሊዮን ዶላር ያወጣዉ ይህ የሁለቱ ጎረቤታማቾች ጉብኝትን ሁለቱም አገሮች በሰላም ስለተወጡት ሊመሰገኑ ይገባል።

በመጨረሻ አንድ ነገር ልበል, በፈረንጆች አቆጣጠር በ1973 የኩባዉ መሪ “በኛ እና በአሜሪካ ሰላም ሊወርድ የሚችለዉ አሜሪካ ወደፊት ጥቁር ፕሬዘዳንት ሲኖራትና የካቶሊክ ፖፕ ከላቲን አሜሪካ ሲመረጥ ነዉ” ብለዉ ነበር። ይህንን ትንቢት ትላንት የአፍሪካዉ ህብረት ዋና ሃላፊ ዶክተር ዙማ ፕሬዘዳንት ኦባማን ሲያስተዋዉቁ አንስተዉት ነበር። የሚገርም ክስተት።

ቸር ይግጠመን!

ጦማር/ዜና

የአቤል የመድረክ

ማቀንቀን ከጀመረ አምስት አመታትን አሳልፏል, ስሙም በመላዉ አለም በአጭር ጊዜ ዉስጥ ነዉ እንደእንዝርት መዞር የጀመረዉ,,,በአጭር ጊዜ ዉስጥ በሙዚቃ አለም እንዲህ አይነት ስኬትን ያዘለችን ምድርም እንኳን ግራ ሳይገባት አይቀርም። አዎ እማወራዉ ምንም እንኳን እትብቱ በእናት ኢትዮጰያ ባይቆረጥም: በናቱም ባባቱም ኢትዮጰያዊ ደም ያለዉን: በኛ ዘንድ ብዙም ያልተወራለትን አለም ግን እጅ እየነሳችለት ስላለዉ ድምፃዊ፣ ዘፈን ፀሃፊ እና የሬኮርድ ፕሮዲዉሰር ’አቤል ተስፋዬ ’አካ ዊኬንድ’(The Weeknd)ነዉ።

በአንዳዶቹ የሚቀጥለዉ ማይክል ጃክሰን የሚሉት ይህ ታሪካዊ ወጣት ድምፃዊ የተወለደዉ በፈረንጆቹ ካላንደር በ1990 ላይ በጥቅምት ወር ላይ ሲሆን: ቦታዉም በካናዳ በስካርብሮ በኦንትርያል ነዉ። እናትና አባቱ ከኢትዮጰያ የወጡት በፈረንጆቹ ካላንደር በ1980ዎቹ ላይ ነበር። አቤል ሲያድግ አባቱ አብሮት ስላልነበረ እናቱ ደሞ በጣም በስራ የተወጠረች ስለነበረች አቤልን ያሳደጉት አያቱ ስለነበሩ አቤል አፉን የፈታው በአማርኛ ስለነበረ አማርኛ በደንብ ያወራል።

የአቤል የመድረክ ስም ዊኬንድ የሚባል ሲሆን የዚህ ስም አመጣጥ አቤል በ17 አመቱ ላይ ከሁለተኛ ደረጃ ትምህርት ቤት በቃኝ ብሎ ከትምህርት ሲሰናበት: በዛዉ ነበር ቤቱን በሰንበት(Weekend) ላይ ለቆ ያልተመለሰዉ። በዚህም ምክንያት ነዉ የመድረክ ስሙን ዊኬንድ(Weeknd) ያለዉ። አፃፃፉን ለየት ያደረገዉ በካናዳ አገር ተመሳሳይ ስም ያላቸዉ ባንድ ስለነበረ የሱን በአንዲት ፊደል እንድትለይ ሆነ።

በፈረንጆቹ 2010–11 ላይ ነበር በቶሮንቶ ከተማ ጀርሚ ሮስ የተባለዉን ፕሮዲዉሰር አግኝቶ ወደ መጀመሪያዉ አልበሙ የገባዉ። አቤል በዚህ የፍጥነት ጎዳናዉ ላይ ስለነበረዉ ግስጋሴ ብዙ ማለት እችል ነበር አሁን ግን ቀጥታ በዚህ በአጭር የስኬት ጉዞ በእጁ የጨበጠዉን አንዳንድ ሽልማቶችን ለማየት እንሞክር።

በ2012 የዌብ ቦርን(Web born Artist)፣ ብሬኪንግ ዉዲ(Breaking Woodie)፣ የአመቱ ሶሎ አርቲስት(Sol Artist os the year)፣ የብሬክትሩ(Breakthrough) እና የአር ኤንድ ቢ(R&B) ምርጥ ቅጂ በመሆን የተሸለመ ሲሆን

በ2013 በምርጥ ቪዲዮ፣ ምርጥ አዲስ ዘፋኝ እንዲሁም በሌሎች እጩ ነበር
በ2014 የአላን ስላይት(Allan Slaight) ተሸላሚ እና የአመቱ ምርጥ አርቲስት ሆኗል

በ2015 የሴንትሪክ አዋርድ(Centric) ተሸላሚ ሲሆን አመቱ ስላላለቀ በተለያዩ አዋርዶች እጩ እንደሆነ ለማየት ችለናል።

የአቤል ትልቁ ስኬት አንድ ዘፋኝ ዘፈኖቹ በሙዚቃ ቢል ቦርድ በአንድ ጊዜ አንደኛ፣ ሁለተኛ እና ሶስተኛ ሲሆን በአለም የዘፋኝ ታሪክ ይህ ለመጀመሪያ ነዉ። ማንም ዘፋኝ ከነማይክል ጃክሰን ጀምሮ ይህ ዉጤት የለዉም። The Hills, Earned it, ‘Can’t Fell My Face የተባሉት ዘፎኖቹ ከአንድ እስከሶስት ቢል ቦርድን (Billboard) ተቆጣጥረዉት የነበረዉ። አሁንም በዚህን ሰአት በቢል ቦርድ ላይ ቁጥር አንድ ዘፈን
‘Can’t Fell My Face የተባለዉ የኢትዮጰያዊው አቀንቃን የአቤል ተስፋዬ አካ ዊኬንድ(The Weeknd) ነዉ።

ጋብዣለሁ